السلام عليكم ورحمة الله وبركاته
السلام عليكم ورحمة الله وبركاته
كيفكم؟؟
إن شاء الله تكون بخير
اليوم موضوعنا عن:
السب و اللعن بين الناس
طبعا الموضوع دا اتكلم فيه غيري كتير
بس اللي انا بشوفه واسمعه كل يوم خلاني افتح الموضوع دا
في يوم من الأيام يا حبايبي رحت اتفرج مباره في أحد الكافيهات
والشباب كانو متحمسين مع المباره والوضع كان زي العسل
وفجأة لاعب يضيع هجمه في المباره
ما تسمع إلا اللعن والسب بجميع اشكاله والوانه
يبدأو في لعن اللاعب نفسه وبعدها يلعنوا أمو ولعنوا العائله كلها حتى وصلو في اللعن إلين جده رقم 17 !!
حتى الواحد جالس يلعن صاحبو اللي جنبو!
انا طبعا كنت متضايق من الوضع دا
لإنو ابدأ ما تنفع تكون دي أخلاق الشباب المسلم!!
وترى دي الظاهره للأسف منتشره في كل مكان :( في المدارس في الشوارع حتى في البيوت
بس لمتى دا الحال !!
إنتو تعرفوا إيش معنى اللعن ؟؟
معناه: الطرد من رحمة الله
طيب إيش بقي للإنسان إذا طرد من رحمة الله؟؟!
واللعنه ترجع على اللي قالها
وطبعا ما احد يحب يلعن نفسه
قال الرسول صلى الله عليه وسلم(فقل خيرا او اصمت)
بما معنى الحديث>>>
وللأسف اللعن صار على اللسان زي الحلاوه في وقت الغضب و قت المزح وفي ناس بس كدا تلعن بدون سبب زي ما تقولوا صارت هواية عندهم شوية و يدخلوا موسوعة غينيس!!
وغالبا اللعن يكون وقت الغضب
وانا عندي طريقه عشان مانلعن
لما الواحد يكون في حالة غضب يعد في نفسو من واحد لعشره او احسن يستغفر عشر مرات
المهم يقول اي شي عشر مرات
لإنو العشر ثواني هادي هيا نار الغضب وبعدها يرجع الإنسان طبيغي
قال حبيبنا الرسول صلى الله عليه وسلم(ليس الشديد بالصرعه إنما الشديد الذي يملك نفسه عند الغضب)
وأتمنى إنو نعدل لساننا عشان نصير مجتمع راقي و عشان ربنا يرضى عننا
^_^
وآسف على الإطاله
إنتقلنا ..
قبل 12 عامًا
1 التعليقات:
شكراا اخى الكريم على هه المعلومة وبارك الله فيك وجزاك الله خيرا
إرسال تعليق